الدنيا مغرقه بلمطر
الشارع تقولى وادى ما شاء الله 
السلام عليكم ورحمة الله
واخيرا مطر فى طرابلس (( الحمد لله على النعمه)) متعرفوش ما مذى سعادتى بسقوط حبات المطر,,, وهذا الموضوع ليه تدوينه خاصه والى زاد الجو انتعاش اكثرو اكثر صديقتى نسومة,,, nasimlibya ,
شوفتها اليوم وتلقينا مع بعض فى سوق الثلاثاء الجديد (( وحتى هو عندى عليه تدوينه)) درنا دورة فيه لكن احسن حاجه وحنى مروحين بمجرد حطينه رجلنا على باب السوق والمطر نزلت مره وحده.. شوفتلها و قلتلها والهى منا موخرين بنطلعوا فيها.... نسيم حتى هيا ما صدقت وقالتلى يالله شنو تراجى ,,, المسافة بين السيارة والسوق صغيرة لكن من شدة المطر وحنى محملين بلبضاعه ونتمختروا تحت المطر وصلنا لسيارة مغسولين والحمد لله لكن,,حسينا بمتعه مش عادية وقعدنا نضحكوا فى السيارة والى يخطم يقول هذوا خيرهم ؟؟؟؟!!!
المطر نعمة ,, لكن فى مشكلة وحده طرقنا ما شاء الله عليهم لا سالك منهم الى ماشى على رجليه ولا حتى الى فى السيارة ؟؟!!!
وهذه بعض الصور معبره على الموقف
وهذه بعض الصور معبره على الموقف
25 التعليقات:
والله المطر فى ليبيا حلوة و أتحسها أتغير و أتنظف الجو و زي ماقلتي هيا نعمة من الله و خاصة فى بلادنا ... أنشاء الله غر متبليتوش هلبا هلبا؟ ... علمم أنشاء الله ديما بلادنا فى نعمة و خير :)
سلامي لي ناسيم :)
فى أمان الله
غريبه والله قصة سوق الثلاثاء هادي زي ماقتلك قبل حتى اني لما مشيت امس كان الجو عادي ولما طلعت منا لقينا المطر خيط من السمي ..
الحمد لله على نعمته ....غير كان يديرونا حل في الطرق الي يتسكروا في المطر بس ..
المهم سلامي ليك ولنسوم
وعالموعد ان شاء الله باهي
خلال هالقرن اكيد ههه
سلام
انا مش عارف لما اتكلمتى على المطر
افتكرت اغنيه كاظم اللى بيتقول
حبيبتي والمطر
أخاف أن تمطر الدنيا ولستِ معي
فمنذ رحتٍ وعندي عقدة المطر
كان الشتاء يغطيني بمعطفه
فلا أفكر في برد ولا ضجري
كانت الريح تعوي خلف نافذتي
فتهمسين تمسك .. هاهنا شعري
و الآن أجلس والأمطار تجلدني
على ذراعي على وجهي على ظهري
فمن يدافع عني ؟؟
يا مسافرةً مثل اليمامة بين العين والبصر
كيف أمحوكٍ من أوراق ذاكرتي
وأنتِ في القلب مثل النقشِ في الحجرِ
أنا أحبك .. أنا أحبك
يا من تسكنين دمي أن كنتِ في الصين
أو أن كنتِ في القمر
نــــــزار قــــبــانــي
بجد اجمل حاجه نعمه المطؤ وبالذات بقى لما تكونى مع صديقه زى نسيم
بس خدوا بالكوا احسن تخدوا برد
بس اجمل لحظه بتعجبنى بعد المطر لحظه سطوع الشمس
فنفس اليوم ونفس صبة المطر بالليل
كنت فسوق الثلاثاء برضه وطلعت على المطرة برضه
وبعدها مشينا لحوش اختي درنا مبكبكة حارة
وروحنا
كان يوم رائع جداً
احلى حاجه عندي الشتاء و بدات لما تمطر مزاجي يبدا رايق
اول امس حصلت في نص بركه مانقولكش نحساب السياره توقف بيا بس الحمدلله في الاخير طلعت
بس خيانااااااات على فكره مشيتو من غيري؟؟؟؟؟؟؟؟؟؟؟؟؟؟؟؟؟؟؟؟؟
هي باهي هكي
معادش نخليكم تطلعو بروحكم في الجديد
عاد صرفتو الفلوس كلهم وحتى ماوس أوتكل متفكرتونيش بيه , حتى فلاش 32 ميجا ( مقدمك )
لكن مسمعتوش بي ميمي , لقيتها شادتها على الدور التاني بس 10001
لكن بصدق المطر بالوجوه , يوم نضت الصبح لقيتها مطر الحكاية , تغلفت وصلت للشركة لقيت الجو مليح و السكرتيرة تقولي شنو شتيت !!
ترفعوني من هنايا معادش سكتت
لا بجد يوم عالمي ومش عادي بالفعل واللي حلاه انتي يا ميوش ميمي تصدقي كنتي ع البال وهدرزنا عليك
سلامك وصلني مباشر يا احمد تسلم وخلينا نشوفوك متغيبش البلوق سبوت من غير مدونتك ناقص
هنوو اكيد ع الموعد لو مفش ف القرن هذا في اللي بعده :)
فى ليلة ممطرة جميلة كانت السماء ملبدة بالغيوم وكان الجو عبقا برائحة الياسمين الى كانت تملا حديقة البيت نضرت الى السماء فرايت القمر ينظر الى خجولا من وراء السحاب فبتسمت وتذكرة بعض الذكريات الجميلة , وتذكرة ذالك اليوم الممطر الذى اصابنى بالغرور واحسست باننى امتلك العالم من تلك اللحضة كانت جميلة كجمال الوردة البيضاء التى تخجل وجنتاها فتكسو اوراقها لونا ورديا جميلا فتصبح اجمل واحلى وارقى قد لا تهتم لوجودها ولاكنها ان ارادة فستجعلك تهتم بها ولاكنها ارقى من ان تفكر بهذه الطريقة , انها تشبه الجوهرة النفيسة التى ترا جمالها من شى قد تفعله او تقوم به ولاكنك مع ذالك لا تستطيع ان تشعر به لانها عفيفة نقية بريئة كما هم الاطفال من عينيها ترا الامل, يشبه امل الاطفال الذى يكون بعيونهم عندما تنظر اليهم امل الحياة القادمة والمستقبل المشرق كنت احب ان ارى عينيها ولاكنى كنت اخجل من ان انظر اليهم كانا عينين جميلتين يكسوهما لون بنى جميل .....ورئع
مى حلو البوست والاحلى طلعتكم تحت المطر هو صح الجو حلو امتى ما المطر يصب بس ردى بالك تمرضى زى مرضتى وتقعدى تعانى وواضح انكم استمتعو بالطلعه والتى منها اشم رائحة الخيانه ههههه خيرها ميمى المسكينه ما دهورتوهاش معاكم " لك الله يا ميمى " ... وبالنسبه لشوارعنا الجميله التى تزداد جمالا عند سقوط المطر !! فشكلنا لو جت مطره قويه حنستبدلو السيارات بالمراكب الشراعيه ... صراحه منظر مؤسف مع كل زخة مطر نلقو شوارعنا غارقه على بكرة ابيها !! نسأل الله السيفتى والسيكيورتى ...
ســــلام
احمد كيف الحال والهى نورت المدونة وانت دائما السباق والاول
هو من ناحية انبلينه فنبليناه وبلهلبه لكن الجو كان مليح ياله هيا ديرلنا زيارة وذوق مطر ليبيا
نسيم وصلها السلام اسرع من DHL
هناء اكيد خلال هل القرن وعن قريب ما تخمميش فيها ,,,,,,
خليك ديما هنى وشكرا لمرورك
رومنسى احساسك فى غاية الجمال ,, وفعلا لحظة سطوع الشمس لا تتعوض بعد المطر
اسعدنى مرورك
يوما هنا يا مرحبا نورتى
والهى يا بنتى هل المطر شكلها مدايره مفعولها فى سوق الثلاثاء ... راهو مش ناسيتك انتى محسوبه فى الطلعة الجايه
وخيتى ميمى
اشرقت وانورت .. ارعدت وامطرت
حمد الله على سلامتك ومره تانية معاش تخشى فى الغريق؟؟!!
لا خيانات لاشى ميمى فى اول القائمة وانت عارفه الطلعه من غيرك متحلوش ان شاء الله يكون حتى ثلج,,
تاجورى مرحبا
لا كثرت لا شى ولا نبوك تسكت كلامك فيه الخير والبركه
ومعاش تغيب ,,, باهى
الى مش معروف اسمه شكرا على الكلمات الرقيقه ,,,,
والمرة الجاية تفضل باسمك نورنا
عبدالله اهلن
لا هو من ناحية المرض مرضت والحمد لله لكن الجو كان ممتع على الاخر
وميمى خليها فى حالها متحركش عليها؟؟!!
وحكاية شورعنا هذى حكاية وخرافة ام بسيسى على راى كريمة الفاسى فى بوستهاالاخير ,,
مرورك هنى يفرح فيا فخليك ديما حضور وكان مطر عليك خود سحابه وتفضل فى اى وقت تشرف
نسومة متقصده خليتك الاخيرة
يعنى ختامها مسك,, يا بنتى مش مشكلة المكان المهم منو معاك انت عارفه هذا شعارى وسوق الثلاثاء ولا اى مكان تانى فى العالم مش حيكون ممتع من غيرك يا(( نسيم بلادى العليل ))
الله محلي المطرة ،، و بالاخص أول صبة مطر و تطلع ريحة التراب في الجو ... قداش تعز عليا الريحة هذي!
محظوظة ياماي أنت و نسيم ... ربي يخليكم لبعض يارب!
your blog very beautiful and more info ,make me excited. Congratulation!!
انس مرحبا,,
والهى المطر ما فيه ما احلى منها وخصوصا لما تجى بعد فترة طويلة ,,
اهى على الاقل تنظف الجو وتصفيه
خليك ديما هنى لوح الريموت ومتغيرش المحطة؟؟!
megat اهلن بيك شرفت
وشكرا لمرورك ....
ليس هنالك داعى...
سلام عليك
كيف حال
حلوه مطر
ومشوار تحته اروع
سلامي ليكم
واتمني تتقبلي مروري
نحب دنكر ان نسيم دعوتني علي تدوين ونشكره علي دعوه
اختك
فتاة من زمن اخر
holyday2008.bllogspot.com
فتاة من الزمن الاخر
مرحبا بيك وشرفنى حظورك,,,,,
نسيمبارك الله فيها الى كانت سبب فى انك ادونى وبذلك سبب باش نتعرفوا عليك
متغيبيش وخليك ديما هنى
إرسال تعليق