السلام عليكم جميعا
انس... صاحب التدوينة الاصلية على خاطرك وخاطر خبيزتك قررت اليوم ناخد طريقة خبزة انس المظفورة ونطبقها ,,,,
لقيت حكاية المقادير شوية لخبطتنى ديسليتر وما ادراك ما ديسليتر!!!!
مشيت نجرى فتحت مدونتك وشفت الصور وقذرت بعينى ايه زيد اضحك نشبح فيك ,,
تبى الحق مرات تجينى حكاية التنبلة وتوه تشوف حركة تانية ذرتها صقع ...هههه
المهم الخطوات مشت مزبوط رغم ان حسيتها جتنى رطبة شوية ...
اعتمدت على احساسى فى الموضوع ومشى الحال ولما وصلت فى حكاية الطاجين ؟؟؟؟!!! اممممممممم الحكاية تبى طاجين كبير فكرت بينى وبين نفسى هذا توه شنو بيطلعنى للكوجينة التانية فى ها الصقع والريح نقنع فى روحى
باهى ديرى يا مى 2 طواجين ؟؟؟؟
لالالا مش فكرة بزيدوا يكثروا الماعين ,,؟؟!!
قلتلك ما تضحكش فكرت شوية وقلت والله لما نحطهم مع بعضهم وندير روحى ما شبحتش وحتى انت دير روحك ما شبحتش ...فوت مذققش فى الموضوع هههه ماشى
والنتيجة صورتهالك وتبى الحق جت طعمتها لذيذة رغم انى مش راضية على شكلها لكن معرفتش هيا خبزة ولا بريوش
؟؟؟؟؟؟؟
ملاحظات :-
1 / هذه اول تجربة يعنى خارج نطاق التقييم...
2 / زينتها بجلجلان والكتانية بديل لنوع بذور الى عندك ...
3 / شكرا يا انس وان شاء الله تكون نالت رضاك وستحسانك ...
4 / والباقى خليت التعليق للمشاهدين.... وان شاء الله واحد يقول مش حلوة,,,
على فكرة(( أمى)) من اول الناس الى علقت وقلتلى خبزة انس شكلها احلاه؟؟؟!!! فا خودوا راحتكم فى التعليق
لقيت حكاية المقادير شوية لخبطتنى ديسليتر وما ادراك ما ديسليتر!!!!
مشيت نجرى فتحت مدونتك وشفت الصور وقذرت بعينى ايه زيد اضحك نشبح فيك ,,
تبى الحق مرات تجينى حكاية التنبلة وتوه تشوف حركة تانية ذرتها صقع ...هههه
المهم الخطوات مشت مزبوط رغم ان حسيتها جتنى رطبة شوية ...
اعتمدت على احساسى فى الموضوع ومشى الحال ولما وصلت فى حكاية الطاجين ؟؟؟؟!!! اممممممممم الحكاية تبى طاجين كبير فكرت بينى وبين نفسى هذا توه شنو بيطلعنى للكوجينة التانية فى ها الصقع والريح نقنع فى روحى
باهى ديرى يا مى 2 طواجين ؟؟؟؟
لالالا مش فكرة بزيدوا يكثروا الماعين ,,؟؟!!
قلتلك ما تضحكش فكرت شوية وقلت والله لما نحطهم مع بعضهم وندير روحى ما شبحتش وحتى انت دير روحك ما شبحتش ...فوت مذققش فى الموضوع هههه ماشى
والنتيجة صورتهالك وتبى الحق جت طعمتها لذيذة رغم انى مش راضية على شكلها لكن معرفتش هيا خبزة ولا بريوش
؟؟؟؟؟؟؟
ملاحظات :-
1 / هذه اول تجربة يعنى خارج نطاق التقييم...
2 / زينتها بجلجلان والكتانية بديل لنوع بذور الى عندك ...
3 / شكرا يا انس وان شاء الله تكون نالت رضاك وستحسانك ...
4 / والباقى خليت التعليق للمشاهدين.... وان شاء الله واحد يقول مش حلوة,,,
على فكرة(( أمى)) من اول الناس الى علقت وقلتلى خبزة انس شكلها احلاه؟؟؟!!! فا خودوا راحتكم فى التعليق
وخيتكم مى
27 التعليقات:
اول
تعليق
ل
نسوم
تانيا اني مؤمنة بقدراتك
ومؤهلاتك المطبخية
يعني مية مية عارفتها جت بسرعة
المرة الجاية في لمة اوكي وعليا اني الشاهي والقهوة
حي حلوة الخبزة
جعـــــــــــــت
نبي ناكل
مافيش تفضلو؟؟؟
صحة للي كلي
المنظر مقبول خيره صح معوجة شوية بس المهم خبزة سخونة معناها مليحة
صحة صحة
تقيسي عليها بسو ..هادي خبزة انس
هههههههههههههههههههههه
نبصر عليك ..اييييييييييييه تي اني نشبح فيها انحاز مابعده انجاز ..ياودي
فلاحتك تقهر فيا ديما ..مش زي الناس الي تاكل بس (الدوا مش عليا راهو )
لكن والله شكلها يسفه ..ماخلصنا من انس بتطلعينا حتى انت في الخط توا ..
ياناس في معاكم ناس محرومين ..بصراحه انا ادين واشجب واستنكر ..
ياتبعتيلي منها توا ..يامش حيصلك طيب ..
المهم ماشاء الله عليك بالحق من غير مجامله ..لكن مش بجميلك راهو لأنك بنت وهذا الوضع الطبيعي انك اطيبي !! ..
(خلي تصيحتك لعمرك)سمعتك
هي خلاص عييت من الدوا
سلام
وأخيرا فيه حد خطر عليه يطيب في المدونات الليبيه هههههه قصدي من البنات ( اللي هناء قالت من انت بنت من الطبعي تطيبي ) ... مش من الطبيعي من الفطرة قصدك تقولي ياهناء هاهاها
لاكن لما تطيح في مرى بايرة شنو تدير ،،، تشدها سندوتشات و تاخد القرار و تخش الكوجينه و تطيب و تاكل من عمايل أيديك و توكل غيرك ؟؟؟ الاجابه ليك ياهناء .... ههاهاهاها
توى خلي نخشو لموضوع الخبزة ،،،
ماي ،، عندي أحساس أن العجينه جاتك طريه شويه صح؟
الفورم الي درتيه مش ضفيرة رباعية ؟؟ هذي ماعرفتش شنو نصنفها بالظبط ؟؟؟ لاكن الشهادة لله ماشاء الله عليك ... ماندري ع الطعم بس عندي ثقه في ذوق أمك و اكيده بما أنها قالت حلوه خلاص هيا حلوه ... و تسلم أيديات الي داروها ( ماي طبعا ) ...
موضوع الديسي ليتر والله إلا ساهل غير أحني مش متعودين عليه بس ... توى نحط موضوع خاص بالمقادير باش يسهل علي الي يبي يطبق بعدين ...
شكلي تكلمت هلبه صح ... الحكايه صبح و عاصفه ثلجيه و ماعندي ماندير ,, لالا عندي ماندير بنمشي لمحل حاط عيني علي كنيدة من Gucci بناخدها ... نتلاقو بعدين و خليلي طرف مادخليش فيك ... جمديه ، حنطيه ، خلليه ، المهم نبيه لما نروح للبلاد ههههههههه
سلامات خوك أنس
السلام عليكم
ههههههههههه
ميوش بجد نهنيك علي انك جربتيها هذا بروحه انجاز
وبصراحه شكلها حلوه يسلموا وصحتين علي قلبك انت واللي كلي منها
استودعك الله
هههههههههههههه معليشي انا اللي يقولي ماتضحكيش نضحك
عاد توا انتي هددتينا اكيد بنقولو حلوه
بس بجد طالما خشيتي في حكايه عينك مبزانك معناها خبره و ماينخافش عليك
صحتين ياحنه
سؤال بس عالسريع
منين اشريتيها الكتانيه؟؟؟
نفسك حلو
يا حوريه
تسلم ايديك
نسومة شكرا
على التشجيع وبارك الله فيك وادللى على شاهى وقهوة وحتى عشى ...
غير انت شرفينا
يوما
الخبيزة سخينة وخفيفة زى البريوش
وتفضلى فى اى وقت تعالى انت ونسيم مرحبتين بيكم
اهلين هنو,,
شكرا لحضورك
وبارك الله فيك هذا كله من ذوقك
لكن تصدقى فى مقاطع من تعليقك زى سمعتها فى مكان تانى.... من حد تانى ؟؟؟!! مش عارفه متفكرتش,,
لكن جت فى بالى حاجة كان طلبوا منى تسميات وعناوين لتعليقات
كنت سميت تعليقك
افكار ؟؟؟و!!!! بلسان هناء
سانتظرك ذائما هنا
وخيتك مى
انس
نورت
وشرفت
وديسلتر و نعرفه مش قلتلك بخل ...
والعجينة وصح جتنى رطبة
وحنحاول فى المرة الجاية نعدل من قومها
وبارك الله فيك
وحاضر انت غير قول مروح لليبيا ونديرهالك طازة وفرش
وخيتك مى
جيجى
مرحبا
بارك الله فيك وحاولى تجربيها صدقينى ساهلة
وقولينا على النتيجة
وخيتك
مى
ميمى
اهلن
والله انت تعليقك تحفة
وزيدى اضحكى باهى
نبصر بارك الله فيك كله هذا من ذوقك الرفيع
الكتانية يا حنة لقيتها فى محل الدباير والكمامين ,,,
ولو تبى وين بزبط توه ننعتك لكن مش هنى ؟! غادى
معاش تغيبى
وخيتك وديما فوقها
مى
شكرا رومنسى
انت بس شرفنا فى ليبيا وحنعملك الواجب
لا تغيب
العين بصيرة والايد قصيرة ... نبو ناكلو مانبوش نعلقو ...صحة انشاء الله يامايا انت والى كلو كلهم وحتى الى شافو بس زى انا ...وانمنى انشوفوكى شيف كبير فى المستقبل .
Best regardS
اهلن
مادرلاند
نورت
وتفضل مرحبتين بيك
انت شرفنا وحاضر
تكلها طازة
وخيتك مى
واضح أن المقارنة غير عادلة البتة ما بين خبزك وخبز أنس هيء هيء هيء!
ليس تحيزاً ولكن الصور وحدها تحكم :D
ربما المثل القائل " العين هيا اللي تأكل " أخد مجراه في تعليقي -والعلم عند الله!
مازال أمامكم فرصة - لو يهمكم الحكم تبعي طبعا - وهي تبعتولي فردة فردة من خبزتكم وبعدها ممكن نغير رأي لو لقيت حاجات زايدة مع الخبزة ها ها ها!
قصدي يعطيك الصحة ويسلموا إيديك ماي
منير
اهلين اهلين
اكيد ما فيش مقارنة من غير ما تقول
وانس ولد فهومى و اكيد يفهمك ؟؟!!!
ان مش تحيز,, معليشى يا انس تعيش وتاكل غيرها,,هذا منير شنوا بنديروا
ههههههه
وانى من مناصرين العين تاكل قبل الفم
عموما
بارك الله فيك
وتفضل فى اى وقت
ومن قبل ما تحكم
انى نقولك انس هو الاصل
مرورك مميز
(( كثر منهم ها الزيارات ))
وخيتك مى
انس هو الأصل إتفقنا عليها ولكن الطعم يختلف أكيد، السبب اللي خلاني نقترح عليكم تبعتولي فردة فردة مش نحكم وإلا تتهربي huh
من جهة تقولي تفضل وكثر من الزيارات ومن جهة تتهربي من فردة خبزة تبعتيهالي .. الكلام مش لبعضه يا ماي راه وراهو يولي عليك كله :P
هيا فتك بعافية يا قفاصة ;)
منير
والله ضحكتنى بتعليقك وخصوصا كلمت قفاصة,,
بكل ما جبتش فيها
يعطيك الصحة وخلاص
صدقنى بتعليقاتك
اضفت لون جديد فى مدونتى
ما تغيبش
وخيتك مى
looks yammy :)
nice work
محلاها خبزة انس يا مي!
تهبل!
ولو ان ياكسلونة انطعجت وتكعوكت شوية من ضيق الطاجين
:)
بس من شفت تدوينة انس وانا متسهفة عالخبيزة
نراجي شي عزومة جاية ونديرهاخصوصا اني نعرف الضفيرة الرباعية
نقولولها ضفرة سبولة وياما ضفرتها لبنوتات العيلة
صحة لأنس وليك
مى تبى الحق عن نفسى مليت من المجاملات ههههه خلاص بالصور معاش يمشى الحال ههههه ربى يخليلى وخياتى ماخلو شىء فى خاطرى من الحلويات ,,, بس بجد المنظر يشهى
لنا الله وخلاص
سلام
هيبة
مرحبا وشكرا على مرورك
شرفينى وديمممممممممما
ليلى سيدتى الفاضلة
ها هى اقبلت واخيرا
والله لما نشوفك عندى نفرح من وسط قليبى
شرفتى
ايه والله ماتفكرينى بحكاية الكسل تجينى مرات نوبات الله بيها عليم ههه
وحكاية الضفيرة متاع السبولة والله فكرتينى
حق والله ديما كنا نديروا فيها زمان
وخيتك وديما مى
عبد الله
ربى يخليلك وخياتك ؟؟؟!!! باهى والله وانى شنو
نسيتنى وانى عابيه عليك وطول النهار وانى نقول
وخيتك مى وخيتك مى وخيتك مى
شكرا لحضورك
وخيتك وديممممممممممما مى
إرسال تعليق