.jpg)
السلام عليكم ورحمة الله جميعا
مى قد قررت التوقف عن التدوين لفترة قد تطول وقد تقصر... ولكن ما استطيع تاكيده هو انى سأكون معكم دائما باذن الله تعالى من هنا او هناك ؟؟؟!!
وحتى عودتى الى هذا العالم الساحر لكم منى سلام الله وحفظه
وحتى عودتى الى هذا العالم الساحر لكم منى سلام الله وحفظه
وخيتكم الصغيرونة ميـــــــــــووووش
21 التعليقات:
لا لا لا
مش ممكن
يا خبر ابيض
التعليق الاول ليا
لنا عودة
سلام عليكم
مش عارف لو كان من حقي نقولك لازم تفكري او لا بس اكيد ما قررتيش لي و انت متأكد شنوا تبي. و لازم نحترموا قرار مع إننا سوف نفتقدوك كثير و رجعه ان شاء الله تكون في اقرب وقت.
تعرفي اول مافتحت على مدونتك وبديت نقراء كان اختي تسمع في اغنية رامي صبري (غمضت عيني)نحاول نشوفها لك علي يوتيوب و نحط الرابطه توا
http://www.youtube.com/watch?v=lkdKZYgsQ3I
في أمان الله
سلام
شكـــــــــــــــــــــــــــــــــرا
ماي...
تمشي وتجي بالسلامة ياماي للمدونة
السلام عليك
اعتد واحببت تدوينتك
اتمني ان اخبارك متنقطعش
كل شخص ليه حرية
ان ياخد راحه
سلامي
اختك
فتاة من زمن اخر
عودة قريبة ان شاء الله.
مايطمئن هو عنوانك "فاني قادمة بعون الله"
اول مدونة نفتحها الصبح ..ياودي خبرك
اهأ
عالعموم تأكدي ان نراجو فيك ديما
ومانستغنوش عليك بكل
ياريت ماطوليش:(
السلام عليكم
اولا بجد اني ما قريتش البوست لما علقت اول مرة بس توا بعد ما قريته خلي نكمل تعليقي ..
بصدق رغم اني ما نعرفش اسباب التوقف هادا بس راهو مافيش حاجة تستاهل ممكن حنى نتاخرو ننشغلو بس ما نقدروش نبعدو عالتدوين اكيد انتي عندك اسبابك ولكن النتيجة وحدة حنى بنفتقدو تدويناتك الجميلة و لو لفترة و اللى ان شاء الله تكون قصيرة ..
في الختام بالتوفيق و نستنو في عودتك في اقرب وقت
هاتوحشينا
ماتطوليش
ولعله خير
انا مصدوم بصراحة
ليش يا مي؟؟؟؟
يعني بعد ما خذينا عليك تبي اتغيبي؟؟
ميووووووووووووش هكي بتسيبينا بروحنا؟؟؟
لالالالالالالالالالالالالالالالالالالا راك اتطولي الغيبه نستنو فيك راهو
والله زمااااااااااان يا مي
شاخبارك ؟ فرحتني زيارتك لينا ، والله انتي اللي مدونتك تهبل ما شاء الله عليها
تغيبي وترجعيلنا بالسلامة
دمتي بود
اوقات كتير بنحاول نرتاح
يارب دايما ترجعلنا مى اللى بتحب تشوف الناس سعيده
طمنينا عليكى
فكرة ممتازة أنا متأكد أنك رح تستفيدي منها
سلامات
خير يا جماعة...ممكن تقولو شنو فيه بالزبط؟ ..قصدي الحكاية معدية والا شنو..في الأول هربت أنا ..لكن من غيرما نقول...وبعدين جيت ندير في اللودة المعتادة على المدونات الصديقة لقيت ميوش بتمشي..وميمي حتى هيا...ممكن حد يفهمني؟
والا زعمة على قولة هناء الحكاية فيها تجهيز قفاطين ؟ ههههههههههههه
عموماً يا وخيتي الصغيرووونة ميوشة..نستنو فيك بفارغ الصبر ...وما تطوليش الغيبة عاد
Nof Holidays,, you have to get back as soon as possible, there is something I would say and I need you commenting.awwwwwwwww , dun be late ya.,
زي مانتي عارفة يا ميوش ياوخيتي الصغيرونه ـ فرقة صغرك و أنت نديدت جداي ـ خوك الكبير ( الشيباني ) شادها تنسريف زي العادة ... هذا علاش ماريتش حاجه و ماتبعتش حاجة في النت ... زي العادة !!!!
قبل كل شيء ... كل عام وأنت بخير و إن شاء الله بطول العمر و عقبال مئة شمعة ياااارب !
و ثاني حاجه ,, ماتطوليش الغيبة ... بالكثير شهر وأرجعيلنا بكدس مواضيع ...
نستنو فيك مش تعطلي عاد !!!!!!
وخيك الصغيرون ( زعميتك ) نوســـــــــــــــه
السلام عليكم...
ميوووووووووووشه...
ترجعي بسلامه ..
بس شو صاير في ليبيا أنتي وميمي..
تغيبو مع بعض ...
...
في امان الله ..
طبعا انتى حولتى الشات بوكس فما عندي وين نكتبلك غير هنا
اهو مرة مرة اتخش مدونتك انتمشي فيها وانا حاط ايدي خلف ضهرى وانتامل فى مدونتك
عندي زاوية انحب نجلس فيها بين ارشيف المدونات و ولا احلي نجلس كل عشية نصف ساعة نسقيلك فى الوردات وانوكل فى القطوس امتاعك ونطلع
خطرها راهو القطوس القيتة واكل العصافير راهو
وورد العشية اللى زرعتية راهو مات
الله غالب
حاولي ترجعى بسرعة
هى سلام
Ok ,, Ithink you enjoy being away from us,, dont you?GGG
السلام عليكم
عدنا بسلامة الله وحفضه
شكرا لكل من سئل على ولكل من لم يسئل
تذكرتكم جميعا فردا فردا
وخيتكم مى الى مازال قاعدة صغيرونة
إرسال تعليق