الســـــــلام عليكم ورحمــــة الله
اليوم بذات تفكرت لقطة من أيام زمـــــــــــــــــــان زمان
نتفكر لما كنا صغيرين عندنا عادة نديروا فيها وهى أن
أمالينا ( الاهل والاقارب ) يعودوا فينا على صيام أيام شهر رمضان
كانت فى حاجة أسمها صيم نص يوم وأفطر نص يوم او صيم من بعد الفطور الصبح الى فترة الغدى وبعد الغدى صيم الى أذان المغرب ...
ونتفكر لما نديروا فى ورقة ونحسبوا فيها قداش يوم صمنا او قداش ساعة مشينا من الوقت
و احلى حاجة فى الموضوع روح المنافسة بين بعضنا
المهم فى اخر رمضان نجمعوا أيامنا ونوتوهم ونمشوا بيهم مبسوطين قريب نطيروا من براجنا
لحوش جدى (( رحمة الله عليه )) يوم العيد
باش يخيطهم مع بعضهم ويحسبهم قداش طلعوا ونفرحوا بنتيجة
فى الى صايم 5 أيام وفى الى يوم وفى الى سبوع وهكذا
وبعد هكى يشجعنا ويفرحنا جدى بنحيلة العيد (( هدية العيد ))
والنحيلة هذى عبارة على قيمة نقدية لا تزيد قيمتها عن 5 دينار لكل حفيد
******************************
فهل نحن الأن نساعد اطفالنا على معرفة فؤائد الصيام وتشجيعهم على الصبر
وتعليمهم ان الجزأ من جنس العمل ؟!
كما علمنا أهلنا من قبلنا !!
* حتى هذه اللحظة لا أعلم لماذا جدى الذى كان يخيط ويقوم بمهمة وليست جدتى ؟
تدوينة خفيفة مع صفرة السحور
may
اليوم بذات تفكرت لقطة من أيام زمـــــــــــــــــــان زمان
نتفكر لما كنا صغيرين عندنا عادة نديروا فيها وهى أن
أمالينا ( الاهل والاقارب ) يعودوا فينا على صيام أيام شهر رمضان
كانت فى حاجة أسمها صيم نص يوم وأفطر نص يوم او صيم من بعد الفطور الصبح الى فترة الغدى وبعد الغدى صيم الى أذان المغرب ...
ونتفكر لما نديروا فى ورقة ونحسبوا فيها قداش يوم صمنا او قداش ساعة مشينا من الوقت
و احلى حاجة فى الموضوع روح المنافسة بين بعضنا
المهم فى اخر رمضان نجمعوا أيامنا ونوتوهم ونمشوا بيهم مبسوطين قريب نطيروا من براجنا
لحوش جدى (( رحمة الله عليه )) يوم العيد
باش يخيطهم مع بعضهم ويحسبهم قداش طلعوا ونفرحوا بنتيجة
فى الى صايم 5 أيام وفى الى يوم وفى الى سبوع وهكذا
وبعد هكى يشجعنا ويفرحنا جدى بنحيلة العيد (( هدية العيد ))
والنحيلة هذى عبارة على قيمة نقدية لا تزيد قيمتها عن 5 دينار لكل حفيد
******************************
فهل نحن الأن نساعد اطفالنا على معرفة فؤائد الصيام وتشجيعهم على الصبر
وتعليمهم ان الجزأ من جنس العمل ؟!
كما علمنا أهلنا من قبلنا !!
* حتى هذه اللحظة لا أعلم لماذا جدى الذى كان يخيط ويقوم بمهمة وليست جدتى ؟
تدوينة خفيفة مع صفرة السحور
may
36 التعليقات:
خطرتي على رمضان زمان.......
كان له مذاق خاص وديمه ونحن اصغار قبل رمضان بأيام نقول لقد اتي رمضان ،اننا نشتم رائحته مع كل نسمه تهب علينا قبيل قدومه , اما الان لا ......لا ادري لماذا ؟
كل روضان والجميع بخير..
تحياتي ~ ~ ~ ~
Ramadan Mubarak to you and your family
تقريبا العاده دى عندنا كلنا
والحمد لله مستمره
يمكن فى ناس مش بتهتم
بس لسه فى ناس مهتمه برده .
كل سنه وانتى طيبه :)
اليكم
والله حتى خطرت عليه الحكاية هذى لما جونا صغار خوتى وخواتى
وقعدوا يسئلوا فى بعضهم من صايم ومن لا
مشى الوالدة ربى يحفظها قلتلهم على الطريقةالصيام
وتعالوا فى العيد جدكم يخيطهملكم
!!!
شكرا على المشاركة
مى
سيد انجلو ليبيا
الله يبارك فيك
ولك ولاسرتك افضل مما تمنيته لى
مى
Butterfly
هى الحكاية عندكم انتو كمان
طيب حلو
يعنى السؤال هو من الى بيخيط فى الاخر الجد ولا الجدة ؟؟
وانت بخير وصحة وسلامة
مى
أولا رمضان مبارك عليك وعلى العائلة ...
ليت الزمان يعود يوماً لنعيش ولو أيام بذلك العمر وتلك المحبة التى كانت وما أجملها من أيام ومن لعب لازالت في ذاكرتي وأتفكر بأني أكثر فترة صمت فيها عندما كنت صغير مانت 6 أيام فقط وكانت 6 أيام كامله وقبل تلك السنة كنت أصوم مثلما وضعت في تدوينتك يا أختي May
حلو اللي صار معاك واللي كان يدير فيه جدك الله يرحمه
مجرد ذكريات تبقى خالدة
تقلبي مروري
في آمان الله
أولا كل سنة وإنت بخير ورمضان كريم
والله أمس بس خطر عليا الموضوع هذا ووقتها كنت طالع من صلاة المغرب نسمع في الصغار يهدرزو واحد يقول أنا صمت نص يوم والثاني يقول صمت لعند أذان العصر يعني يوم إلا شوي...
قلت في نفسي الله على أيام زمان والدنيا قداش تجري
مشكورة ياميووش على المواضيع اللطيفة إلي تنقي فيها لينا بعناية
خالد الشتيوى
مرورك مرحب به
وفى اى وقت
وين كنت غايب ؟؟
ان شاء الله خير
والله عندك الحق ايام الزمن الجميل اذكرها وكلى فرح و بهجة
اسعد الله جميع ايامك و يحقق كل احلامك
مى
رياض
وانت بخير وصحة وسلامة
الله يبارك فيك
ويتمم عليك رمضان برحمة ومغفرة وعتق من النار
ميووش
ميمي !! صحه فطورك أختي و إن شاء الله رمضانك مبروك عليك وعلي كل الاهل و الاحباب في ليبيا الحبيبة !
بجديات ذكرتيني بأيامات لما كنت صغير ( حتى توى قاعد صغير راهو هاهاها ) ... لكن أني جداي هي الي تخيطلي في أياماتي بسلة ( شوك النخل ) .
فكرتيني بأيامات حلوه والله يا ميمي ... يفكرك في الشهادة يارب !
و سلامي للجميع و صحه فطوركم و صيامكم مقبول إن شاء الله ,,,
ميمي شوفي هو لاهالينا اساليب في التحبيب بالعبادات
وتجيب نتيجة فعالة
ع فكرة ميوشتي نبو طلبية نظارات ههههه
لو ممكن يعني !!!!
;) let us see u ok ya invisible
كل العام وانت بخير وتقبل الله منكى الصيام و القيام موضوع شيق تشكرين عليه
السلام عليكم
الجيل الجديد غير جيل زمان مش عارف للأحسن او للأسواء ؟!!!!!!!!!!!!
مثلا تلقى صغار عمرهم 5 سنوات يتكلم معاك تقول عمره 20 سنة !! ، لو تقوليله على قصة الخياطة يضحك عليك !!
زعمة هذه ميزة ولا عيب ؟
تحياتي
السلام عليكم....
صحة شريبتكم...
الله يرحمك ياجدي والله كان "جد" بمعني الكلمة اتعلمنا منه هلبة حجات....كان ايخاف ربي في كل شئ والمصحف ديما بحداه ...والله قاعدة انحس فيه كأنه عايش امعانا ...نتفكر في جوه الحلو وقفشاته التي لايمكن انت تمتحي من الذاكرة او تنسي بسهولة... ×ـ×
اسكنه الله فسيح جناته وتقبله بواسع رحمته
"اميـــــــــــــــــن"
اما علاش جدي هو الي ايخيط فيهم مش جدتي ؟؟؟؟والله حتي انا مش عارفة علاش...
سلامي للعائلة
~ـ~
السلام عليكم ميوش...
اولا مبروك عليكم رمضان..
وثانيا صحة ليك الحق.. فكرتينا بايامات زمان..
بس كانت امي تحسبلي مش جدي ولا جداي..
ربي يحفظك يا ميوش.. وصحة سحورك ~_^
انوس الله يسلمك
لا باين ان رمضان اثر عليك رسمى *_*
ربى يحفظلك جداك
وسلم متنساش
ميوش
جيجى قصدى نسوووم
ضحكتنى على ها الصبح قصدى الظهر
ماهو انى قبل بنقول الرقم المطلوب خارج نطاق التغطية
ههههه
بعدين قلت يالله نكسبوا اجر و نحطوه فى التغطية
وطلبية النظارات فى الطريق ولا يهمك
ميوووش
رشاد
وانت بصحة وسلامة
وشكرا على التشجيع
وعليكم السلام زهير
زهير كل وقت ووقته وزى ما قنعونا جيل زمان بلخياطة رغم انه فى قرار نفسنا نعرفوا انها ما تتخيطش ؟؟؟
لكن نقتنعوا بيها
اكيد فى وسيلة نقنعوا بيها جيل الدجتل الجديد
اسعدنى حضورك
اهلا اهلا
ام محمود
الله يسلمك وحتى انت وصلى السلام
و جدى من يقدر ينساه ربى ان شاء الله يتغمضه برحمته ويسكنه فسيح جنانه فى الفردوس الاعلى يا رب
ميوووش
وعليكم السلام فتون
الله يسلمك
المهم كان فى حد يخيط
ربى يحفظلك جدك وجداك
وكل الاسرة الكريمة
فرحت هلبة بحضورك
ميوووش
ميوش كل سنة وانتى بخير
واللة دكرتينا فى ايام قبل ايام صيم يوم وافطر يوم ههههههه
اول مرا انصوم فيها كنت فى سنه تانيه ابتدائى وصمت 7 ايام
رمضان كريم
وانت بخير اسامة
ايه ايام وخلاص
وما تفقد غالى ان شاء الله
ميوووش
Brave Heart هنا يا مرحبا يا مرحبا
والله ما شاء الله تانى ابتدائى وسبعة ايام
يعنى الفكرة كانت اكيد تجيب فى نتيجة
شكرا على المرور
مى
سلام الله عليك أختي مي كل عام وأنت بألف خير أي والله صدقتي وين هالايام ؟كان لها نكهة مش عادية ...بس مازال فينا الامل معلموا صغارنا الأحسن بإذن الله سبحان الله أجدادنا رغم بساطة عيشهم وإمكانياتهم المحدودة أستخدموا المتاح عشان يعلمونا...زي مايقولوا أرحم من قرى و ورى الله يرحمهم..منى
وعليكم بافضل مما سلمتم
كيف حالكم
ورمضان مبروك عليكم
والله صحيح
ارحم من قرى و ورى
بوركتم
ومعاش تغيبوا
مى
انا حطيت تعليق و فصل النت كعادته مش عارفه وصلك و لا لا
توا كانا ماوصلش نعاوده بعدين توا ماعنديش جهد
رمضانك مبروك ميوشة
حتى حني لما كنا صغار كنا نخيطو...لكن بطريقة مختلفة..ننوضو الصبح ونفطرو كويس وبعدين نصيمو للغداء ونفس الشي نضربو هادكا الغدي وبعدين نصيمو لوقت فطور المغرب...وكانت أمي تقوم بمهمة الخياطة يومياً...يعني اللي بيصيم بعد ما يفطر الصبح يمشي لأمي يقولها راهو بنصيم توة ..تقوله خلاص صيامك مبروك هههههههههه ووقت فطور المغرب تخيطلنا أول بأول...وحناي الله يرحمها كانت تعامل فينا على أساس صايمين ..وتحطلنا صفرة ماكلة بالزبط زي الصايمين ههههههههههه
شكراً ميوش...فكرتني بأيام حلوة بجديات ...أيام كان رمضان ليه نكهة وجو خاص
ميمى ما وصلنى شى راهو الحال كما هو عليه
عاد بتقوليلى على المدار خدمات ما شاء الله تسكر العين المفتوحة
نستنى فيك قاعدة
ميوووش
ليبية
والله ضحكتنى ايام وخلاص وان شاء الله ما تفقدى غالى
الشكر لله عزيزتى هى شوية تخربيشات وخلاص
ميوووش
اعلان هام
تعلن ميووش عن اختفاء الانسة جيجى عن ساحة التدوينية فمن يجدها يبلغ اقرب مدونة صديقة
ودمتم سالمين
مى
الموضوع جميل ميوش ، لانه يذكر بعادات حميدة من المفروض الا تندثر وان تم الابقاء عليها...بس فكرة ان يخيط لك جدك صيامك غير موجودة لدينا بالمنطقة الشرقية على حسب علمى ..كان يتم تحبيب الصيام لنا بمكافئتنا يوم بيوم على قدر صبرنا وعزمنا...يومك جميل يارائعة الروح..
محيطنا الهادى
اهلا بيك ...شوفى هى العادات تختلف من منطقة لتانية فى بلادنا لكن لمهم الفكرة والمبداء متفق عليه
تعلمى اطفالنا معانى الصوم وفوائده
اعذرنى انت وغيرك ولكن حبى لهم يجعلهم شغلى الشاغل واحشرهم فى اى تدوينة تخطر فى بالى
*_*
ميوووش
الله قداش الوقت يجري بسرعه
ممكن لانه مع ناس نحبوهم
كل سنه و انتي معانا حبوبه بجديات و بدون مبالغه سعيده جدا جدا انك قررتي تنضمي لهل العالم مش عارفه عندي احساس ان بوجودك ميمي موجوده
و صدقيني بغيابك ميمي حتختفي
هههههههه متع وحده متسبله
بالنسبه للبوست هدا خساره تعليقه ماوصلكش كتبت لين دهشت
المهم مختصر الحديث ان في حوشنا ماعندناش العاده هادي الخياطه يعني و اول مره نسمعها منك بس انا كنت فالحه كان صمت نصيم يوم كامل نتفكر في مره رمضان صمت 9 ايام قعدت فرحانه بيهم و ما خليت لمنو قلت عليهم
بس خلوه الفكره انهم بالطريقه هادي يعودو الصغار و ينمو روح الحماس و التنافس بيناتهم
على فكره جيجي تعيد عليكم كلكم و خاطرها معاكم غير عندهم صيانه في الحوش و الكمبيوتر و النت مش راكبين
هيا سلامات توا
إرسال تعليق