السلام عليكم ورحمة الله جميعا ......
لماذا تريد ان تتزوج ؟ وما مواصفات الشخص الذى تريد ان ترتبط به ؟
انا اعلم ان الكثير سوف يستغرب ولا ربما يستهجن سؤالى الذى طرحته على الجميع مدونين كانوا او مارين,,,, سؤال قد لم يخطرببالك واحيانا خطر ولكنك تغاضيت على الاجابه وهو موجه الى الجنسين الرجال قبل النساء !!! ولكن رجائى ان تكون اجابته صريحه وواضحة وليس كلام نظرى ولا يمت للحقيقه باى صله ؟؟؟ والسبب فى هذا اعتمادى على اجاباتكم فى موضوع البوست القادم منى لكم 1000 سلام
ملاحظه : هذا الموضوع موجه ايضا الى المتزوجين فا انا على علم ان الكثير منكم لم يسئله لنفسه لا قبل الزواج ولا بعده واذا سئلته هل وجدت الاجابه!!؟؟؟ ارجو ايفادتى برايكم فا رائيكم يهمنى
انا اعلم ان الكثير سوف يستغرب ولا ربما يستهجن سؤالى الذى طرحته على الجميع مدونين كانوا او مارين,,,, سؤال قد لم يخطرببالك واحيانا خطر ولكنك تغاضيت على الاجابه وهو موجه الى الجنسين الرجال قبل النساء !!! ولكن رجائى ان تكون اجابته صريحه وواضحة وليس كلام نظرى ولا يمت للحقيقه باى صله ؟؟؟ والسبب فى هذا اعتمادى على اجاباتكم فى موضوع البوست القادم منى لكم 1000 سلام
ملاحظه : هذا الموضوع موجه ايضا الى المتزوجين فا انا على علم ان الكثير منكم لم يسئله لنفسه لا قبل الزواج ولا بعده واذا سئلته هل وجدت الاجابه!!؟؟؟ ارجو ايفادتى برايكم فا رائيكم يهمنى
17 التعليقات:
موضوع كويس لاكن مؤلم بالنسبة ليا لأني مريت بتجربة فاشلة بس الحمد لله صابر وربي يعوض خير
عموما جوبت على قد فهمي وتجربتي في البلوق تبعي
ودعواتي ليكم بالتوفيق في حياتكم
ههههههههه
باهي مع اني قلت مش رح نرد بس ياله مش رح نفشلك حنرد
لماذا تريد ان تتزوج؟؟
اني منبيش بس الله غالب يجو يخطبو فيا مش عارفة كيف بندير اهو نقول لالا وخلاص
بالنسبة للمواصفات
1- يكون عنده شغف بالنت والكمبيوتر وعنده نت ف الحوش ودي اس ال مش دايل اب
2- ذكي ولماح وشطور
3- متحصل ع شهادة
4- حسن سيرة وسلوك
5- عمل كويس مش يوقولك عمل حر وغدوة نقعد اني نخلص ف اشتراك النت
6-تكون عنده خبرة ف الاعمال المنزلية
7- باله وااااااااااسع
8- طيب جدااااااااااااا
9- يكون عنده افق رحب
10- ميكونش مدرس ابدا ابدا ابدا
11- يبدا اسمه بحرف النون هكي عنصرية نحب حرفي هلبة
12- يسكن في نفس نطاق سكنتي باش منكونش بعيدة ع ماما
13 - وهادي الاهم ميقولش نوضي ياسرك من الكمبيوتر زي ماما
14- عارفة مش رح نلقي حد بهدي المواصفات لذلك نسحبها ونقول الاهم
شخص يخاف الله فيخافني فيه يؤدي واجباته وعبادته حسن السيرة دو اصل طيب بار بوالديه فيبرني مثلهما
ونسئل الله النصيب الصالح لي ولكم
اهلا ماي،
أكيد كل حد فينا جا على باله السؤال هذا، عن نفسي:لماذا تريد أن تتزوج؟ لأن الزواج سنة الحياة اللي ربي فطرنا عليها وأكيد أنا ك بنت فحيكون الزواج ليا سترة وعفة...
المواصفات اولا وقبل كل شي انه يكون انسان يخاف الله ،تقي،عارف بأمور الدين ويطبق فيهن جميعهن انسان يحب الله ورسوله "أكيد انا مانقصدش انسان متزمت مقصر سراويله، ولحيه، و و و ، انا نقصد انسان ملتزم بقلبه"
ثانيا انه يكون مخلص لأبعد الحدود وبكل معنى الكلمة
ثالثا ان يكون صادق، طيب،حنون، متفاهم، تفكيره متحضر، ذكي.
وشرط أساسي أن يكون متعلم ومستواه العلمي كويس .
وفي الشكل ماعندش مواصفات معينة ومانركزش عليه بس يكون مقبول .
واللي أهم من المواصفات هذين كلهن هو ان يكون فيه انسجام روحي يعني ممكن تكون توفرت فيه المواصفات بس مش متقبلته عشان هك انا نعتبر ان الانسجام الروحي شرط اساسي.
واسمحيلي على التطويل. سلام
ميوش بوست مش عادي!
و اجابات نسيم ههههههههههه لا كله كوم و انها خايفه من تخليص الاشتراك كوم تاني!!!
يلا بسم الله خلينا نجاوبو
لماذا تريد ان تتزوج؟
بصراحه و بدون لف و لا دوران و لا كان في يوم تمنيت اني نكون متزوجه عايشه حياتي مبسوطه و الحمدلله بس يعني هو في الاول و الاخر سنه الحياه زي ماقالت سروره
المواصفات....مممممممممم
بما انك خطرتي عليا الموضوع خليني نفكر انه يكون انسان متعلم و عنده شهاده جامعيه و متقف يتق الله و يخافه فيا و اهم اهم حاجه حكايه القبول و الانسجام اللي يحكو عليهم لانه بصراحه ماحسيتهاش الحكايه هادي لتوا
بس مي انتي كنتي المفروض تاخدي شرف اول اجابه
لازم تحطي اجابتك اوكي؟؟
بصراحة زي ماقالوا البنات الموضوع خطير ..انا من وجهة نظري اريد ان اتزوج ليصبح عندي اطفال ..حد يقولي ياماما ..شعور الامومة رائع بالنسبة لي ..
وان يكون معي شخص يشاركني مشاعري يساندني ..ويشيخ معي
اما مواصفاتي اكيد ذا خلق ودين ومستوي تعليمي يوازي مستواي علي الاقل ..يكون يحبني ولو كان هكي انا متاكدة انة حيسعدني
يعيشني في مستوي اجتماعي زي اللى انا فية علي الاقل .."ولوكان شخص انحبة ممكن نضحي بالنقطة هدي "بس وين هدا
مى ... شنو هالمواضيع هاذى وين كنتى نخبيه الابداع هذا من زمان ...
انى منجاوب ع الشق الاول بس " نبى نتزوج حتى نكمل نص دينى " ما تصدقيش قداش متلهف ع اليوم هذا ...
الشق التانى " بما انها كلها نصيبات فالدوه التانيه صرف ضى " ...
سلام
ماي أنا مش متهرب من السؤال خليتلك بوست قبل مانجي لسعودية
ودمتي بسلام
أهلين أختي ماي...
ألاجابة تلاقيها في مدونتي .. إن شاء الله غير أرضة فضولك بس هاهاهاها
يالله سلامات و ربي مايحرمني منك و من طلتك و أسئلتك القصقوصية ....
ماهي مواصفات الشخص الذي اتمنى الإرتباط به ..
بجمله واحد ..يكون انسان صالح وياخد بإيدي للجنة ..
وحطي تحت الجمله هادي الف معنى ..
مزال بنصبر شويه عليكم اكثر باش كلكم تخشوا تعلقوا والى خشوا وما علقوش شبحتهم كيف هربوا ياله ولوا وعلقوا نستنا فيكم
اما رياض ونسيم وساره وميمى واسماء وعبد الله وانس وهناء مشكورين على الاجابه ,,واتمنى من الجماعة التانيه ادير زيكم
السلام عليكم
خير ,,,
سؤال ساهل هلبة
الإجابة لأن الناس كلهم تزوجو و حتى الي متزوجوش راح يوفقهم ربي و يتزوجو إن شاء الله
يا نسيم المواصفات كلها عندي ,بحرف النون وعندي نت سريع و مش مدرس و كميوتر كويس ولاب توب و شن تاني متزوج 10001
ههههههه شكرا تاجوري بس ف نقطة ف المواصفات ميكونش مدون 10001
بعدين من جاب سيرة لاب توب ؟؟؟ جبتها من عندك ع العموم خليك كووول وركز نبو ادراجات جديدة ف مدونتك تهانينا بوجود مدون تاجوري جديد 1000 مبروك
السلام عليكم ان لم اجد سبب كافى لزواجى كفى انه سنة عن رسول الله ومواصفات العروسة اخلاق ودين بس كدة
انا احمد من مصر وسوف ندعو سيادتكم للمشاركة فى الراى فى قصيدة
اخوة منسية فى الجامعة العربية
احمد الشاعر
مفيش اسهل من مسح المدونات راهو
محلولة و اللابتوب فوق البيعة
معقولة منردلك حارة الدحي منغير بشكطي 10001
بالنسبة للشاعر معتقدش الزواج سنة بس
الراحة النفسية وينها
و النكد وين مشي
فسحــــني
تجربة حلوة ننصح تجربوها للعلم ليا اقل من شهرين متزوج
تاجوري عيب عاد خونا جرب ياسر
خليك انت داخل القفص (( الذهبي ))
وخلينا حني برا ع الاقل نطمنو عليك مرة مرة
10001
تي علاش تقعدي برا العفووو
خشي معاي داخل القفص 10001
حتى الرواتر متاع الأي دي أس إل فيه أربعة فتحات
بالنسبة للزواج , ونس رسمي , مش كله زي ما الغريزة تشتغل هلبة حاجات مدسوسة تبانلك بعدين
كان حصلت فضوة تو نقوللكم شنو عيوب الزواج بموضوع منفصل
وهي
آنستوا بعضكم ...
قال الرسول صلى الله عليه وسلم : ( تنكح المرأة لأربع مالها وجمالها وحسبها ودينها )
هدا المفروض أيكون المبدأ و الاساس ولاكن ما بعد هدا من وجة نظري الخاصة أن أيكونوا متفاهمين من جميع النواحي و متقاربين فكريا و أن أيشاركو بعض فى نفس الأحلام و متطلعين لي نفس المستقبل
كشاب متتطلع قريبا للجواز انشاء الله (مزال ما في حد فى الصورة للأن) ... جوابي أيكون أن الجواز شىء طبيعي و سنة من سنن الحياة و أن الأنسان لم يخلق للأنفرادية و لا العزلة و ما أجمل أن تشارك أغلي شىء عند "حياتك" مع من ستصبح حياتك
موضوع شيق و جميل و أنشاء الله نستفيدو بشىء :)
في امان الله
إرسال تعليق