سحور خبزه وجبنه فى التوستر ,,
صفرة الحلو ... بعد الفطور مع الكباتشينو,,
على فكرة مش عيد ميلاد حد؟؟؟ هذه مقلوبه مش كيكه,,,, لنه فى هلبه سئلونى عليها.. وقالولى لاش حطيها الكيكه فى تبسى !!!
واخر صورة لكاس محلبيه فى اخر ليلة من رمضان ,,,
السلام عليكم ورحمة الله جميعا
هذه بعض الصور صورتها فى فترة رمضان لصفرة الفطور او اطباق للسحور وفيهم شويه صور حلو .... تقعد ذكره وان شاء الله كل عام حيين ومن اهل الدنيا
11 التعليقات:
شن قصدك يا مى بالموضوع هذا !!! والله حرام اللى اديرى فيه ... بس عذرك درتيه اخر ايام رمضان كان هذا قدمت فيك شكوى لأمانة الشباب العازبين ...
شن بنقول " ربى سلم هالايديات اللى دارت هالاكل هذا كله " بس ياريتك تحت كل صوره كتبتى شن اسم كل اكله واوووووو قريب بنخش من الجهاز ... قالك كول فى المطاعم !!!
ســـلام
واللة حرام الباين ان عبد اللة شاف البوست وهو صايم ...
تسلم ايديك وايدين كل ام ليبية تعبت طول الشهر الفضيل
عيدكم مبارك وعساكم من عوادة
شنو الواحد بيقول واااااااااااااااااااك و خلاص
باهي غير ماشفتش البوست في النهار
يلا سلم هاليدين...
وصحتين على قلبك
لاااااااااااااا والله حرام عليك الي تديري فيه هذا يا ماي!
سؤال ؟
هذو الاكلات و الصور متاع شهر كامل ولا عزمة وحده ؟ نحس فيها كل ميصير عندكم عزومه و تكوني ناشطه في الكوجينه تصوري باش تبرهنيلنا أنك فالحه و مش بايرة هاهاها
الي بيخطب ياجماعه أهو فيه وحده فالحه ماشاء الله عليها .. الي يبي يخش عليها يتفضل ههههههههه أني مداير روحي أحول م الاخير هاهاهاهاها
قهرتيني والله يا ماي بجديات ...
ملاحظه .... لو تنحي الخلفيه الي مدغدشه علي البلوغ متاك ياماي تولي أحسن وحده في المدونات كلهم ...
،،،،،،،،،،،،،،،،،،،،،،،،
أهيئ أهيئ نبي أمي أهيئ أهيئ .. أستاحشتها و أستاحشت ماكلتها ....
الله يسلم أيديك و يسعدك و يجيبلك ولد حلال تفتلكيله أحسن من هكي ...
سلامااااات
يا زويتة,, هي بنوتة,, الناس طبعهم واعر,, يلوموا عليها كانا طلعت بايرة,, و اهو طلعت مش بايرة,, لكن القصة فيك انت,, علاش اتبرهن لينا انك مش باير في المطبخ و فالح,, اهني السؤال و اهني مربط الفرس,, و اكيد الكل يوافقني
و جاوب ,,,
لا لا جو صور ما يمشيش
ضروري نتأكدو بروحنا ولا لا يا عبدالله
اهو تو أنس ينسقلنا علي يوم نمشو فيه جميع نتعشو عند مي
وهي آنستوا بعضكم ...
على العموم عدد أفراد العائلة 4 باهي
مرة مرة يجي واحد خامس
منو ؟
كانا نفطر معاك اسبوع تصير فيا كارثة ..
هو وزني هكي وكل يوم في الزايد فما بالك بالصفّر الدسمة اللى شفتها توا ..
تسلم ايديك
تعرف علاش ياجاد أني فالح في المطبخ .. نبي من يتزوجني حتى أني !! شنو رايك تخش عليا أنت ؟ كان عندك جهد طبعا !
لما كنت في البلاد ماكنتش نقلي في دحيه ، مدلع ع الاخر زي ميقولو ، تغربت تعلمت و بديت أفلح من أفلح بنت .. علي أساس أن البنات هذي صنعتهم مع العلم أن أكبر وأشهر الطباخين في العالم رجالة ، و الرجاله عندهم نفس في الاكل ماتلاقيهاش عند أفلح مرى متخصصه في الطبخ ، و هذي معلومه أنت و غيرك تعرفوها كويس ، فمش عارف شنو قصدك أنت بسؤلك بالظبط ياجاد ومن هما الكل الي يتسائلو علي توجهاتي ؟
يالله سلامات و عيدكم مبروك
الله يسامحك يا مي خشيت بنعيد عليك لقيت التدوينة هذي اللي مش عارفة كيف فاتتني الله يسامحك الف مرة لأني مازلت صايمة هنا والعالم كله معيد قوليلي ايش ندير فيك توا؟؟؟
جعااااااااااااااااااااااااااااانة
حرام عليك
إرسال تعليق